Ndukanduire na Marakara - Muigai wa Njoroge

Ngugwa mbere yaku na ihoru Nguthaithe tu ngigirikaga
Tondu Ngai wakwa ndi mwihia ndimwihia baba oina wanyona
Ndooka nguthaithe ndinyihitie, ndukanduire na marakara
Wamenya ati nie ndi rukungu rwa thi nawe niwe wangumbanirie

Ngoro niyenda gwika wega no mwiri ndukoragwo hinya
Riri nirio ihoya ndahoya ndukananduire na marakara
ririkana tha ciaku nyingi, na wendo uria uhumbagira mehia,
Mwathani unjirithie ari awe Na unduire wiyuirwo ni tha


Nii ndi tiri ona rukungu ndi o mundu wa riumba rihuthu
thi ino ndi noyo caitani ari mugeria wa ngoro cia aria akwendi
atuire ahitanaga nanie, tondu ndengaga tumiranie ngoro,
Ungirakara undirike baba ni kura ingiura na ndioneke

Nie nindiriragiria muno kugia na ngoro ihana yaku
no thina wakwa ni ati Ngai tutiri a riumba rimwe nawe
we ndwombirwo ni nie wombire ndwaciarirwo nindaciarirwo,
mwana tanie wa mutumia Ngai, kai ingigituika mutheru atia.

Ndiriganiirwo warutire wira munene nie nyonete
wonanirie wendani na tha muruguo agikua muti iguru
Wendo ta urio ungirihwo na ki, tiga oo ndinyihia na njathike,
na ngie na kuyi kugarura aingi ngoro ciao igucokerere

Uhoro wanakinya hau ngwenda kugua moko ini maku
We utuaga mundu muthingu toria wekire iburahimu
Niui meririria makwa ni gugukenia na mwiri uyu
Ngutungatire na uigu uyu wakwa wa nyama wamuira ihohete

Uhoro wanakinya hau ngwenda kugua moko ini maku
We utuaga mundu muthingu toria wekire iburahimu
Niui meririria makwa ni gugukenia na mwiri uyu
Ngutungatire na uigu uyu wakwa wa nyama wamuira ihohete

Share this;

Comment with Facebook