Na muturire uyu niuri miambato na miikuruko
Nikuri hindi mundu aiguaga akinyite muico
Agakua ngoro akaigua ta angite kirigiriro
Nikunyaririka ona guthinika
No gukena ni uria ugiginyanaga
Enyumiriirie, nandakue ngoro kana atigithirie
Ucio niwe mugiginyani
Na agiginyani nimegwatagira kirathimo
Kai ugeretie maigana ukaremo, Ukira ugerie!
Uhoete kwa ihinda na nduonete macokio
Ndugatigithirie thii na mbere na kuhoya
Urotete iroto ciigana, igatharara
Ndugaikare oo hau no urote ringi
Ndugatigithirie, ndugakue ngoro,
Giginyana tu, agiginyani nimegwatagira kiahinya
Jakubu utuku mugima akigiana na muraika
Ndaigana kuregeria moko amurekie
Amwirire ndirikurekia haha wandathima
Muraika ona niguguthereruka akimurathima
Akimwira, ndugucoka gwitwo Jakubu uriitagwo Israeli
tondu niugianite na Ngai na andu na ukahotana
Climax
Mutumia umwe wa ndigwa wethaga kihoto
Arokaga kwa mutuaniri ciira hindi ciothe
Akamwirathiriria kuri mundu uria turi uthu nake
Na mutuaniri cira agikinya handu akiuga,
Na haria itoi Ngai na ndiri mundu njonokagira,
No mutumia uyu ningumurihiria,
Nigetha atigage kundanga na gukaga haha hindi ciothe
Climax
Jusufu arota kiroto ariu a nyina magikararia
No ndatigiire hau no arotire ringi
Akirota kingi kiega kuri kia mbere
Onawe tigaga guteaniria, tigaga gukua ngoro
Utakinyaniirie kioneki
Tondu ona korwo nigiaikara, nogigakinyanira
Na niguo gikinyanire nonginya ugiginyane
Climax x2
No comments:
Post a Comment
Leave a comment